REUNIÓN CO DELEGADO DE MEDIO RURAL

Luns, 21 de Maio de 2007
Unha representación do BNG de Sober reunímonos hoxe, contra as 10 da mañá, na capital da provincia co Delegado da Consellaría de Medio Rural en Lugo, Emilio López Pérez.
O obxectivo desta visita foi expresarlle ó Delegado as que, a xuizo do BNG de Sober son as necesidades prioritarias do noso Concello en materia de desenvolvemento rural.
Transmitímoslle ó noso compañeiro Emilio varias ideas básicas, que ampliaremos nun dossier que enviaremos nestes días á Delegación de Medio Rural, estando este a disposición de todos os veciños.
- Prioridade absoluta da extensión a toda a poboación de abastecemento de auga de calidade e de redes de saneamento. Vixianza periódica da calidade da auga.
- Ordenación do monte e dos usos do chan, controlando a plantación de especies foráneas que causan risco de incendios pola proximidade ós núcleos (piñeiros) e problemas respiratorios (choupos).
- Limpeza e desbroce de camiños.
- Eliminación dos vertedoiros incontrolados.
- Trazado racional de pistas e accesos a explotacións, primando o interese xeral sobre os particulares.
- Mellora das condicións de traballo na ribeira.
- Apoio ós pequenos productores.

A Consellaría de Medio Rural está a apostar precisamente por dotar das infraestructuras básicas a aqueles núcleos desfavorecidos. En Sober, a Consellaría de Medio Rural, desde o 2005 fixo convecios co Concello para financiar traídas e abastecementos de auga e apoia a instalación de elevadores eléctricos nas viñas e a apertura de pistas e accesos na ribeira.
Durante 16 anos de goberno na Xunta, na Deputación e no Concello o PP foi incapaz de extender o alacantarillado e o abastecemento a todos os núcleos. E, isto non foi por falta de fondos, se non por unha política errática, mixtura de despilfarro, megalomanía e intereses particulares.

Compréndese cunha simple comparación:

PP
Algunhas obras caras e inútiles en 16 anos. (Datos aproximados).

200.000 €
PISCINA INACABADA, situada nun lugar onde escasea a auga.
Texto do BOP, 7 de 2005: La Junta de Gobierno Local en la sesión celebrada el pasado día 28 de febrero, prestó aprobación al proyecto técnico de la obra "Terminación de vestuarios y piscinas municipales en Sober", redactada por la Sra. arquitecta Dª Carmen Rodríguez Geada y con presupuesto de ejecución por contrato de 199.778,34 euros, el cual permanecerá expuesto al público en estas oficinas por el plazo de los quince días siguientes a la publicación de este edicto en el B.O.P a efectos de examen y reclamaciones.

Millóns e millóns de pesetas EMBARCADOIRO DOS CHANCÍS Feito cortando o curso dunha fervenza e sen que poida ser empregado cando sube o nivel da auga. As empinadísimas escaleiras de acceso inúndanse cas cheas.

CONSELLARÍA DO MEDIO RURAL 2 anos Presuposto comprometido

164.650 € ABASTECEMENTO E SANEAMENTO EN MORADELA; SANEAMENTO EN MATAMÁ

65.000 € SANEAMENTO EN VILAESCURA Convenio asinado hoxe mesmo polo Concello de Sober.

¿Cantas traídas de auga e alcantarillado se terían feito cos cartos enterrados nunha piscina que non funciona despois de 10 anos e nun embarcadoiro problemático que é un atentado contra o Medio Ambiente ?

Se o PP puxese como prioridade o benestar dos veciños, hai anos que teríamos todos auga e alcantarillado, pero o PP de Galicia tivo sempre outros intereses...