SOBER
Novamente, tiramos do GPS para sinalizar algúns dos centos de vertedoiros incontrolados de Sober.
Será este xoves, 21 de abril, saindo de Sober ás 17:30, diante do Casa do Concello. Podedes anotarvos para participar en benegasober@hotmail.com
Como fixeramos no 2007, sinalaremos nun mapa, indicando as coordenadas UTM, a situación de distintos vertedoiros e entregarémosllos ao Concello de Sober para demandar as seguintes cuestións (que xa foron expostas nunha moción do BNG rexeitada polo PP):
1. que se realice un inventario exhaustivo, por parroquias, dos vertedoiros existentes no Concello de Sober, coa colaboración de persoas voluntarias.
2. que se consulte con expertos en Medio Ambiente sobre a solución que se lle debe dar a cada vertedoiro, sobre todo aos de maiores dimensións.
3. que se proceda á recollida selectiva dos restos reciclábeis e ao selado dos vertedoiros, onde sexa posíbel.
Ademais da resposta que debería dar o Concello a este problema medioambiental que supoñen os "mil e un vertedoiros" de Sober, o fundamental é que nos concienciemos toda a sociedade de que a merda non desaparece, só se transforma, e que a cuestión do lixo non é ó estética - que tamén -, senón que os vertedoiros contaminan o medio, a nosa Terra, o único planeta que temos para vivir, chegando a ser un problema de saúde ambiental se esta contaminación se filtra ás augas que bebemos, á terra que cultivamos...
O que podemos facer, cada un/unha de nós:
- non tirar lixo no monte e levar os trastos e escombro ao Punto Limpo que, por fin, funciona: en Canaval, os luns e xoves pola mañá (consultar aquí o funcionamento).
- consumir menos, evitando, no posíbel, o sobreempaquetado, as bolsas de plástico... reutilizar...
- levar unha bolsa para recoller pequenos refugallos cando imos pasear (latas, bricks, botellas..., que se atopan por moitos camiños).
Animádevos a participar, sexades ou non do BNG: esta é unha loita que nos atinxe a tod@s!
2 comentários:
Pareceme unha idea marabillosa.
Partido Reformista de Sober?. O Manote ás ordes do Luisiño?. Como se lle chama ao que fai o Manote cada catro anos?.
Poño o comentario aquuí porque o post vai de lixo.
Enviar um comentário