Non é un título simbólico: en Sober hai centos de vertedoiros incontrolados, algúns tan contundentes coma o que vedes na primeira imaxe en todo o seu esplendor, situado en Doade, con escombreiras de casas, botes, madeira, plásticos e outros desperdicios.
Moitos deles son antigos, como o da Anta, en Proendos, do que vemos un detalle abaixo.
E iso que o Concello de Sober quedou finalista dun premio ás iniciativas de desenvolvemento en zonas rurais. E iso que se presume do gran éxito turístico do Concello. E iso que o Concello, nun importante despregue de vontade docente, anualmente nos manda a todas as xentes de Sober folletos explicativos sobre como verter cada tipo de desperdicio no colector correspondente,
¿Será que o goberno local considera os vertedoiros como mostra da cultura popular? ¿Será unha montaxe dalgún artista contemporáneo?
Seguiremos pescudando.
Sem comentários:
Enviar um comentário